എഐവൈഎഫ് പരിസ്ഥിതി ദിനാചരണത്തിന്റെ ആലപ്പുഴ ജില്ലാതല ഉദ്ഘാടനത്തിന്റെ ഭാഗമായി ചേർത്തല നഗരപരിധിയിലെ എസ് കനാൽ ശുചീകരണവും പരിസ്ഥിതി പ്രവർത്തകനെ ആദരിക്കലും സംഘടിപ്പിച്ചു. ജൈവ – അജൈവ പ്ലാസ്റ്റിക് മാലിന്യങ്ങൾ ഉൾപ്പെടെ നിറഞ്ഞ് കിടക്കുന്ന കനാലിൽ നിന്നും ആദ്യ ഘട്ടമായി പ്ലാസ്റ്റിക് മാലിനങ്ങൾ നീക്കം ചെയ്ത് മുനിസിപ്പാലിറ്റിയിലെ ഹരിതകർമ്മസേനയ്ക്ക് കൈമാറി.
എഐവൈഎഫ് സംസ്ഥാന സെക്രട്ടറി ടിടി ജിസ്മോൻ പരിപാടി ഉദ്ഘാടനം ചെയ്തു. ഇതിനോടനുബന്ധിച്ച് ചേർത്തലയിലെ മാലിന്യ നിർമ്മാർജ്ജന രംഗത്തും ജലാശയ സംരക്ഷണ രംഗത്തും ശ്രദ്ധേയമായ ഇടപെടൽ നടത്തുന്ന പരിസ്ഥിതി പ്രവർത്തകൻ ആർ സബീഷ് മണവേലിയെ ജില്ലാ പ്രസിഡന്റ് ബൈരഞ്ജിത്ത് ആദരിച്ചു.
ജില്ലാ ജോയിന്റ് സെക്രട്ടറി പി വി ഗിരീഷ് കുമാർ,ചേർത്തല മണ്ഡലം സെക്രട്ടറി കെ സി ശ്യാം, പ്രസിഡന്റ് എൻ പി അമൽ,ജില്ലാ കമ്മിറ്റി അംഗങ്ങളായ സജിത വിജയ് , കെ എസ് ഷിബു,വിശാൽ വിജയൻ,മണ്ഡലം വൈസ് പ്രസിഡന്റ് അനൂപ് എന്നിവർ നേതൃത്വം നൽകി.
