അടിമാലി: സിപിഐ ഇടുക്കി ജില്ലാ സമ്മേളനത്തിനു ഇന്ന് തുടക്കം. 26,27,28,29 തിയതികളിലായി അടിമാലിയിൽ വച്ചാണ് സമ്മേളനം നടക്കുന്നത്. വിവിധ കേന്ദ്രങ്ങളിൽ നിന്ന് പുറപ്പെട്ട ബാനർ, പതാക, കൊടിമര, ദീപശിഖാ ജാഥകൾ വൈകിട്ട് നാലുമണിയോടെ സമ്മേളന നഗരിയിൽ സംഗമിക്കും. തുടർന്ന് സംസ്ഥാന കൗൺസിലംഗം സി എ ഏലിയാസ് സമ്മേളന നഗരിയിൽ പതാക ഉയർത്തുന്നതോടെ സമ്മേളനത്തിന് തുടക്കമാകും.
പൊതുസമ്മേളനം സംസ്ഥാന കൃഷി മന്ത്രി പി പ്രസാദ് ഉദ്ഘാടനം ചെയ്യും. ജില്ലാ സെക്രട്ടറി കെ കെ ശിവരാമൻ അധ്യക്ഷത വഹിക്കും. സംസ്ഥാന അസിസ്റ്റന്റ് സെക്രട്ടറി കെ പ്രകാശ് ബാബു, അഡ്വ. പി വസന്തം, എൻ രാജൻ എന്നിവർ സംസാരിയ്ക്കും. നാളെ രാവിലെ 11.30ന് പ്രതിനിധി സമ്മേളനം കേന്ദ്ര കൺട്രോൾ കമ്മിഷൻ ചെയർമാൻ പന്ന്യൻ രവീന്ദ്രൻ ഉദ്ഘാടനം ചെയ്യും. 29ന് വൈകിട്ടോടെ പ്രതിനിധി സമ്മേളനം സമാപിക്കും.
