തമിഴ്നാട്ടിൽ രണ്ട് മണ്ഡലങ്ങളിൽ സിപിഐയ്ക്ക് മുന്നേറ്റം.നാഗപട്ടിണം തിരുപ്പൂർ മണ്ഡലങ്ങളിലാണ് സിപിഐ വിജയത്തിലേക്ക് അടുക്കുന്നത്. നാഗപട്ടിണം മണ്ഡലത്തിൽ നടന്ന തെരഞ്ഞെടുപ്പിൽ സെൽവരാജ് വി മുപ്പതിനായിരത്തിലധികം വോട്ടുകൾ സ്വന്തമാക്കി മുന്നേറുന്നു. എഐഎഡിഎംകെ സ്ഥാനാർത്ഥി ശുർസിത് ശങ്കർ ജി യെ പിന്നിലാക്കിയാണ് സിപിഐ സ്ഥാനാർത്ഥിയുടെ മുന്നേറ്റം.
തിരുപ്പൂർ മണ്ഡലത്തിൽ നടന്ന തെരഞ്ഞെടുപ്പിൽ സിപിഐ സ്ഥാനാർത്ഥി സുബ്ബരായൻ കെ മുന്നേറുന്നു. 9330 വോട്ടുകളുടെ ഭൂരിപക്ഷത്തോടെയാണ് സിപിഐ സ്ഥാനാർത്ഥി തിരുപ്പൂരിൽ മുന്നേറുന്നത്. എഐഎഡിഎംകെ സ്ഥാനാർത്ഥി അരുണാചലത്തെ പിന്നിലാക്കിയാണ് സുബ്ബരായൻ മുന്നേറുന്നത്.
