റിയാദ്: ക്രിസ്റ്റ്യാനോ റൊണാൾഡോയെ വിലക്കെ
ടുത്ത് സൗദി അറേബ്യൻ ക്ലബ്ബ് അൽ നസർ. 2025 വരെ പോർച്ചുഗൽ സൂപ്പർ താരം അൽ നസറിലുണ്ടാവുമെന്നാണ് പുറത്തുവരുന്ന റിപ്പോർട്ട്. 1,770 കോടി രൂപയാണ് പ്രതിവർഷം താരത്തിന് പ്രതിഫലം.
മാഞ്ചസ്റ്റർ യുണൈറ്റഡിനും പരിശീലകനും എതിരെ പിയേഴ്‌സ് മോർഗനുമായുള്ള അഭിമുഖത്തിൽ ക്രിസ്റ്റിയാനോ തുറന്നടിച്ചതോടെയാണ് യുണൈറ്റഡും ക്രിസ്റ്റിയാനോയും തമ്മിൽ വേർപിരിഞ്ഞത്. ലോകകപ്പിൽ ഫ്രീ ഏജന്റായിട്ടാണ് ക്രിസ്റ്റ്യാനോ കളിച്ചത്.
ചരിത്രം എഴുതപ്പെടുകയാണ്. ഇത് വിജയങ്ങളിലേക്ക് എത്താൻ ഞങ്ങളുടെ ക്ലബിനെ മാത്രമല്ല, ലീഗിനേയും രാജ്യത്തേയും ഞങ്ങളുടെ തലമുറകളേയും ഈ ട്രാൻസ്ഫർ സ്വാധീനിക്കും, ക്രിസ്റ്റ്യാനോയുടെ ട്രാൻസ്ഫർ വാർത്ത സ്ഥിരീകരിച്ച് അൽ നസർ കുറിച്ചു.
ഒരു ഫുട്‌ബോൾ താരത്തിന് ലഭിച്ച ഏറ്റവും ഉയർന്ന പ്രതിഫലത്തിനാണ് ക്രിസ്റ്റ്യാനോ അൽ നസറിലെത്തുന്നത്. മറ്റൊരു സൗദി ടീമായ അൽ ഹിലാൽ ക്രിസ്റ്റിയാനോയ്ക്ക് 3000 കോടി രൂപ പ്രതിഫലം ഓഫർ ചെയ്തതായും റിപ്പോർട്ടുകളുണ്ടായിരുന്നു.
