കൊച്ചി: എഐവൈഎഫ് സ്ഥാപക ദിനം ജില്ലയിൽ വിവിധ പരിപാടികളോടെ സമുചിതമായി ആചരിച്ചു. ജില്ലയിൽ യൂണിറ്റ്, മേഖല, മണ്ഡലം കമ്മറ്റികളുടെ നേതൃത്വത്തിൽ വിവിധ കേന്ദ്രങ്ങളിൽ പതാക ഉയർത്തി.
മൂവാറ്റുപുഴ തൃക്കളത്തൂരിൽ സംസ്ഥാന പ്രസിഡൻ്റ് എൻ അരുൺ, എറണാകുളത്ത് ജില്ലാ സെക്രട്ടറി കെ ആർ റെനീഷും, കോതമംഗലത്ത് ജില്ലാ പ്രസിഡൻ്റ് പി കെ രാജേഷും, ഉദയംപേരുരിൽ സംസ്ഥാന കമ്മറ്റിയംഗം ആൽവിൻ സേവ്യറും, പറവൂർ ചേന്ദമംഗലത്ത് സംസ്ഥാന കമ്മിറ്റിയംഗം ഡിവിൻ കെ ദിനകരനും, അങ്കമാലിയിൽ സംസ്ഥാന കമ്മറ്റിയംഗം രേഖശ്രീജേഷും, പിറവത്ത് ജില്ലാ ജോയിന്റ് സെക്രട്ടറി സി എ സതീഷും, മൂവാറ്റുപുഴ ആവോലിയിൽ ജില്ലാ വൈസ് പ്രസിഡൻ്റ് കെ ബി നിസാറും, എറണാകുളം ചേരാനെല്ലൂരിൽ ജില്ലാ വൈസ് പ്രസിഡൻ്റ് റോക്കി ജിബിനും, ജില്ലാ വൈസ് പ്രസിഡൻ്റ് പി.കെ.ഷിഫാസ് കൊച്ചിയിലും,എഐഎസ്എഫ് ജില്ലാ പ്രസിഡൻ്റ് ഗോവിന്ദ് എസ് മൂവാറ്റുപുഴ ആവോലിയിലും ജില്ലാ എക്സിക്യൂട്ടീവ് അംഗങ്ങളായ എം എ സിറാജ് മന്നത്തും, എം ആർ സുർജിത്ത് ഉദയംപേരൂർ കണ്ടനാടും, കോതമംഗലത്ത് എൻ യു നാസറും പതാക ഉയർത്തി.
സ്ഥാപകദിനാചരണവുമായി ബന്ധപ്പെട്ട് ജില്ലയിൽ യൂണിറ്റ്, മേഖല, മണ്ഡലം കമ്മറ്റികളുടെ നേതൃത്വത്തിൽ നേത്രദാന ക്യാമ്പ് അടക്കമുള്ള ക്യാമ്പയിനുകൾ സംഘടിപ്പിച്ചു.
