ആലപ്പുഴ ജില്ലയിൽ എഐവൈഎഫ് മെമ്പർഷിപ്പ് ക്യാമ്പയിന് ആവേശകരമായ തുടക്കം. മാന്നാറിൽ കഴിഞ്ഞ ദിവസം അംഗത്വ വിതരണ ദിനത്തിന്റെ ഭാഗമായി മാന്നാർ മണ്ഡലം കമ്മിറ്റിയുടെ നേതൃത്വത്തിൽ ചെന്നിത്തലയിൽ മെമ്പർഷിപ്പ് സ്ക്വാഡ് പ്രവർത്തനം ആരംഭിച്ചു.
യൂത്ത് ഫോർ യൂണിറ്റി എന്ന മുദ്രാവാക്യം ഉയർത്തിപിടിച്ചു കൊണ്ട് മെമ്പർഷിപ്പ് ക്യാമ്പയിന് സ്ക്വാഡ് പ്രവർത്തനം വലിയ ഉണർവ് ആണ് ഉണ്ടാക്കിയത്.
എഐവൈഎഫ് മണ്ഡലം പ്രസിഡന്റ്‌ വിനീത് വിജയന്റെ നേതൃത്വത്തിൽ നടന്ന മണ്ഡലത്തിൽ സ്ക്വാഡ് പ്രവർത്തനത്തിൽ നിരവധി പേർ ഇന്നലെ സംഘടനയുടെ ഭാഗം ആയി. എഐവൈഎഫ് മണ്ഡലം വൈസ് പ്രസിഡന്റ്‌ സന്ധ്യ, ചെന്നിത്തല മേഖല കമ്മിറ്റി അംഗങ്ങൾ എന്നിവർ പങ്കെടുത്തു . ഡിസംബർ ആദ്യ വാരം വരെയാണ് മെമ്പർഷിപ്പ് ക്യാമ്പയിൻ നടക്കുന്നത്.
