തൃശൂർ: തൃശൂർ ജില്ലാ സമ്മേളനത്തിനു ഇന്ന് ചെങ്കൊടി ഉയരും. വൈകിട്ട് 6.00മണിക്ക് തൃപ്രയാർ പൊതസമ്മേളന നഗരിയിൽ സി എൻ ജയദേവൻ പതാക ഉയർത്തും. തുടർന്ന് 24 സ്മൃതി പതാകകളും സമ്മേളന നഗരിയിൽ ഉയരും. 25 കേന്ദ്രങ്ങളിൽ നിന്നുള്ള പതാക ജാഥകൾ തൃപ്രയാറിൽ സംഗമിച്ച് സമ്മേളന നഗരിയെ അക്ഷരാർത്ഥത്തിൽ ചുവപ്പണിയിക്കും.
24 നേതാക്കളുടെ സ്മൃതി കേന്ദ്രങ്ങളിൽ നിന്നും അന്തിക്കാട് രക്തസാക്ഷി മണ്ഡപത്തിൽ നിന്നുമുള്ള പതാക ജാഥകൾ തൃപ്രയാർ ശ്രീരാമ പോളി ജംഗ്ഷനിൽ സംഗമിക്കും. സിപിഐ ജില്ലാ സമ്മേളനത്തോടനുബന്ധിച്ച് രാത്രി 7 മണിക്ക് കെപിഎസി അവതരിപ്പിക്കുന്ന നിങ്ങളെന്നെ കമ്മ്യൂണിസ്റ്റാക്കി എന്ന നാടകം ഉണ്ടായിരിക്കും
