തിരുവല്ല : ഗാന്ധിജയന്തി ദിനത്തോടനുബന്ധിച്ച് എഐവൈഎഫ് പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ തിരുവല്ല പി ടി പുന്നൂസ് സ്മാരക ഹാളിൽ വെച്ച് നടത്തിയ ഗാന്ധി സ്മൃതി സംഗമം സിപിഐ ജില്ലാ സെക്രട്ടറി സി കെ ശശിധരൻ ഉദ്ഘാടനം ചെയ്തു. എഐവൈഎഫ് ജില്ലാ പ്രസിഡന്റ്‌ സുഹാസ് എം ഹനീഫ് ആധ്യക്ഷത വഹിച്ച യോഗത്തിൽ എഐവൈഎഫ് ജില്ലാ സെക്രട്ടറി എസ് അഖിൽ സ്വാഗതം ആശംസിച്ചു.
സിപിഐ ജില്ലാ അസി. സെക്രട്ടറി അഡ്വ. രതീഷ് കുമാർ, ജില്ലാ ജോയിൻ സെക്രട്ടറി അജിത് ശാന്തകുമാർ,സിപിഐ മണ്ഡലം അസി സെക്രട്ടറി കൃഷ്ണൻകുട്ടി, എഐഎസ്എഫ് ജില്ലാ പ്രസിഡന്റ്‌ അനിജു, എഐവൈഎഫ് ജില്ലാ എക്സിക്യൂട്ടീവ് അംഗങ്ങളായ മനു പരുമല, അഡ്വ. ഷിനജ് എൽ, എഐവൈഎഫ് തിരുവല്ല മണ്ഡലം പ്രസിഡന്റ്‌ അഡ്വ. ഡാനിയേൽ തോമസ്, സെക്രട്ടറി വിഷ്ണു ഭാസ്കർ എന്നിവർ അഭിവാദ്യം ചെയ്തു സംസാരിച്ചു.
