പന്തളം: ഇന്ത്യകണ്ട മഹാനായ കമ്മ്യൂണിസ്റ്റ് നേതാവ്, ബ്രിട്ടീഷ് രാജവാഴ്ച്ചക്കെതിരെയും ജന്മിനാടുവാഴിത്തത്തിനെതിരെയും തൊഴിലാളിപക്ഷ പോരാട്ടങ്ങൾക്ക് നേതൃത്വം നൽകിയ സ്വാതന്ത്ര്യ സമര പോരാളി സഖാവ് എം എൻ ഗോവിന്ദൻ നായരുടെ 38-ാം മത് അനുസ്മരണം സംഘടിപ്പിക്കാനൊരുങ്ങി സിപിഐ.
സിപിഐ പന്തളം കമ്മിറ്റിയുടെ ആഭിമുഖ്യത്തിൽ നവംബർ 27ന് നടത്തുന്ന അനുസ്മരണയോഗം സംഘടിപ്പിക്കും. ഐക്യ കേരളത്തിൽ കമ്മ്യൂണിസ്റ്റ് പാർട്ടി അധികാരത്തിൽ വരുമെന്ന് 1952 ൽ തന്നെ ദീർഘദർശനം ചെയ്ത കേരള ക്രൂഷ്ചേവ് എന്നറിയപ്പെട്ടെ എം എന്നിന്റെ ജന്മനാടായ പന്തളത്ത് വച്ച് ചേരുന്ന അനുസ്മരണ സമ്മേളനം സിപിഐ ദേശീയ കൗൺസിൽ അംഗവും കേരള നിയമസഭ ഡെപ്യൂട്ടി സ്പീക്കറുമായ ചിറ്റയം ഗോപകുമാർ ഉദ്ഘാടനം ചെയ്യും.
സിപിഐ മണ്ഡലം സെക്രട്ടറി ജി ബൈജു അധ്യക്ഷതതവഹിക്കുന്നയോഗത്തിൽ സിപിഐ ജില്ലാ സെക്രട്ടറി എ പി ജയൻ, സിപിഐ സംസ്ഥാന കൗൺസിൽ അംഗം ഡി സജി, എഐവൈഎഫ് സംസ്ഥാന ജോയിന്റ് സെക്രട്ടറി അഡ്വ. ആർ ജയൻ, എഐടിയുസി ജില്ലാ ജോയിന്റ് സെക്രട്ടറി അരുൺ കെ എസ് മണ്ണടി, സിപിഐ ജില്ലാ കമ്മിറ്റി അംഗങ്ങളായ കെ മണിക്കുട്ടൻ, ടി മുരുകേഷ്, രേഖ അനിൽ,മഹിളാസംഘം ജില്ലാ സെക്രട്ടറി കെ പത്മിനി അമ്മ, എഐവൈഎഫ് പന്തളം മണ്ഡലം സെക്രട്ടറിയും ജില്ലാ പഞ്ചായത്ത് മെമ്പറുമായ ശ്രീനാദേവി കുഞ്ഞമ്മ, ഡോ. അജിത്ത് ആർ പിള്ള, ഗിരിജ ടീച്ചർ, എസ് അജയകുമാർ മുതലായവർ പങ്കെടുക്കും.
