ന്യൂഡൽഹി: ലോക പരിസ്ഥിതി പ്രവൃത്തി സൂചികയിൽ അവസാന സ്ഥാനം സ്വന്തമാക്കി ഇന്ത്യ. 180 രാജ്യങ്ങളുൾപ്പെട്ട സൂചികയിലാണ് ഏറ്റവും അവസാനമായാണ് ഇന്ത്യയുടെ സ്ഥാനം. 18.9 പോയിന്റാണ് ഇന്ത്യക്ക് ലഭിച്ചത്. 2012 ൽ 179-ാം സ്ഥാനത്തായിരുന്നു ഇന്ത്യ. എന്നാൽ 2020 ൽ 168-ാം സ്ഥാനത്തെക്കുയരാൻ ഇന്ത്യക്ക് സാധിച്ചിരുന്നു. എന്നാൽ 2021 ൽ 177-ാം സ്ഥാനത്തേക്ക് രാജ്യം കൂപ്പുകുത്തി. ഇപ്പോൾ 180-ാം സ്ഥാനത്തിലൂടെ ഏറ്റവും മലിനീകരണ പ്രവർത്തനങ്ങൾ നടക്കുന്ന രാജ്യമെന്ന ബഹുമതി സമ്മാനിച്ചിരിക്കുന്നത്.
രാജ്യത്തിന്റെ കാലാവസ്ഥാ നയം, ആവാസവ്യവസ്ഥയുടെ ഉണർവ്, പരിസ്ഥിതിയുടെ ആരോഗ്യ എന്നിവയെ അടിസ്ഥാനപ്പെടുത്തിയാണ് സൂചിക കണക്കാക്കുന്നത്. വായു മലിനീകരണം, ജല മലിനീകരണം തുടങ്ങിയവയും സൂചിക തയ്യാറാക്കുന്നതിൽ പരിഗണിക്കും. ആവാസ വ്യവസ്ഥയുടെ ഉണർവിന് സൂചികയിൽ ഇന്ത്യക്ക് 19.3 പോയിന്റാണ്. കഴിഞ്ഞ രണ്ട് ദശകമായി ഇക്കാര്യത്തിൽ ഇന്ത്യയുടെ വളർച്ച 2 പോയിന്റാണ്.
ഡെൻമാർക്ക്, യുകെ, ഫിൻലൻഡ്, മാൾട്ട, സ്വീഡൻ, എന്നീ രാജ്യങ്ങളാണ് ആദ്യ അഞ്ച് സ്ഥാനങ്ങൾ സ്വന്തമാക്കിയത്. ഒന്നാം സ്ഥാനത്തുള്ള ഡെൻമാർക്ക് 77.9പോയിന്റ് നേടാനായി. പാകിസ്ഥാന് 24.6 പോയിന്റും ബംഗ്ലാദേശിന് 23.1 പോയിന്റും നേടാനായി.
