കോഴിക്കോട്: സിപിഐ കോഴിക്കോട് ജില്ലാ സെക്രട്ടറിയായി കെ കെ ബാലനെ തിരഞ്ഞെടുത്തു. വിദ്യാർത്ഥി സംഘടനയായ എഐഎസ്എഫിലൂടെയാണ് അദ്ദേഹം രാഷ്ട്രീയ രംഗത്തേക്ക് കടന്നു വരുന്നത്. പിന്നീട് എഐവൈഎഫ് ജില്ലാ സെക്രട്ടറിയായും സംസ്ഥാന എക്സിക്യൂട്ടീവ് അംഗംമായും പ്രവർത്തിച്ചു.
എകെഎസ്ടിയു സംസ്ഥാന വൈസ് പ്രസിഡന്റ്, കാലിക്കറ്റ് യൂണിവേഴ്സിറ്റി സെനറ്റ് അംഗം സിപിഐ പേരാമ്പ്ര മണ്ഡലം സെക്രട്ടറി തുടങ്ങിയ പദവികളും വഹിച്ചിട്ടുണ്ട്. ജനയുഗം കോഴിക്കോട് യൂണിറ്റ് മാനേജറായും സിപിഐ ജില്ലാ ട്രഷററായും പ്രവർത്തിച്ചിട്ടുണ്ട്. ചിങ്ങപുരം സി കെ ജി എം ഹൈസ്ക്കൂളിൽ അധ്യാപകനായിരുന്നു അദ്ദേഹം.
