യൂത്ത് ഫോർ യൂണിറ്റി എന്ന മുദ്രവാക്യം ഉയർത്തി എഐവൈഎഫ് സംസ്ഥാന വ്യാപകമായി സംഘടിപ്പിക്കുന്ന മെമ്പർഷിപ്പ് ക്യാമ്പയിനിനു തുടക്കം കുറിച്ച് കൊല്ലം ഈസ്റ്റ്‌ മണ്ഡലം കമ്മിറ്റി. കമ്മിറ്റിയുടെ പരിധിയിലുള്ള പാലത്തറ മേഖല കമ്മിറ്റിയിൽ എഐവൈഎഫ് സംസ്ഥാന ജോ. സെക്രട്ടറി അഡ്വ. വിനീത വിൻസെന്റ് അഭിജിത്തിന് മെമ്പർഷിപ്പ് നൽകി ഉദ്ഘാടനം നിർവഹിച്ചു.
മേഖല പ്രസിഡന്റ്‌ ഹരിലാലിന്റെ അധ്യക്ഷതയിൽ ചേർന്ന യോഗത്തിൽ മേഖല സെക്രട്ടറി അരുൺ സ്വാഗതം പറഞ്ഞു. സിപിഐ കൊല്ലം ഈസ്റ്റ്‌ മണ്ഡലം സെക്രട്ടറിയേറ്റ് അംഗം എ നൗഷാദ്, എഐവൈഎഫ് കൊല്ലം ഈസ്റ്റ്‌ മണ്ഡലം പ്രസിഡന്റ്‌ എസ് സൂരജ് എന്നിവർ സംസാരിച്ചു.
