മുംബൈ: ബോളിവുഡ് നടൻ സൽമാൻ ഖാൻ്റെ ബാന്ദ്രയിലെ വസതിക്ക് പുറത്ത് നടന്ന വെടിവെയ്പ്പുമായി ബന്ധപ്പെട്ട കേസിൽ ലോറൻസ് ബിഷ്‌ണോയി ഗുണ്ടാസംഘവുമായി ബന്ധമുള്ള സുഖയെ നവിയെ മുംബൈ പോലീസ് അറസ്റ്റ് ചെയ്തതായി വാർത്താ ഏജൻസി ഐഎഎൻഎസ് റിപ്പോർട്ട് ചെയ്തു. ഹരിയാനയിലെ പാനിപ്പത്തിൽ വെച്ചാണ് സുഖ പിടിയിലായത്.
ഇയാളെ നവി മുംബൈയിൽ എത്തിച്ച ശേഷം വ്യാഴാഴ്ച കോടതിയിൽ ഹാജരാക്കുമെന്ന് പോലീസ് അറിയിച്ചു. 2024 ഏപ്രിലിൽ മുംബൈയിലെ ബാന്ദ്രയിലുള്ള സൽമാൻ ഖാന്റെ വസതിക്ക് നേരെ വെടിവയ്പ്പ് നടക്കുന്നത്. തന്നെയും കുടുംബാംഗങ്ങളെയും കൊല്ലുക എന്ന ഉദ്ദേശത്തോടെയാണ് ലോറൻസ് ബിഷ്‌ണോയി സംഘം തൻ്റെ വസതിക്ക് നേരെ വെടിയുതിർത്തതെന്ന് സൽമാൻ ഖാൻ പോലീസിനോട് വെളിപ്പെടുത്തിയതായി ഐഎഎൻഐ റിപ്പോർട്ട് ചെയ്തു.സംഭവവുമായി ബന്ധപ്പെട്ട് മുംബൈ പോലീസ് കോടതിയിൽ സമർപ്പിച്ച കുറ്റപത്രത്തിൻ്റെ സൽമാൻ ഖാൻ്റെ മൊഴി രേഖപ്പെടുത്തിയിട്ടുണ്ട്.
