മാവേലിക്കര ലോക്സഭ തെരഞ്ഞെടുപ്പിൽ സി എസ് അരുൺ കുമാറിനായി ഒന്നിച്ച് പ്രവാസികളും. എൽഡിഎഫ് മാവേലിക്കര പാർലമെന്റ്കമ്മിറ്റിയുടെ ആഭിമുഖ്യത്തിൽ കുവൈറ്റിൽവച്ച് കൺവെൻഷൻ സംഘടിപ്പിച്ചു. മാവേലിക്കര മണ്ഡലം ചെയർമാൻ ജിജുലാലിന്റെ അധ്യക്ഷതയിൽ ചേർന്ന കൺവെൻഷൻ കല കുവൈറ്റ് ജനറൽ സെക്രട്ടറി സജി തോമസ് മാത്യു ഉദ്ഘാടനം ചെയ്തു.
മണ്ഡലം കൺവീനർ ഷംനാദ് എസ് തോട്ടത്തിൽ സ്വാഗതം പറഞ്ഞു. കുവൈറ്റ് എൽഡിഎഫ് തെരഞ്ഞെടുപ്പ് ചെയർമാൻ പ്രവീൺ നന്ദിലത്ത്, കൺവീനർ ജെ സജി, സുബിൻ അറയ്ക്കൽ, റിച്ചി കെ ജോർ‍ജ്, ഗോപകുമാർ തുടങ്ങിയവർ സംസാരിച്ചു. മാവേലിക്കര മണ്ഡലം സ്ഥാനാർത്ഥി അഡ്വ. സി എസ് അരുൺകുമാർ ഓൺലാനായി കൺവെൻഷനിൻ പങ്കെടുത്തു.
