ഉപതെരഞ്ഞടുപ്പിൽ പാലക്കാട് നടക്കുന്നത് ഇഞ്ചോടിഞ്ച് പോരാട്ടം. ലീഡ് നില അനുനിമിഷം മാറി മറിയുന്നു. മണ്ഡലത്തിൽ നിലവിൽ യുഡിഎഫ് സ്ഥാനാർഥി രാഹുൽ മാങ്കൂട്ടത്തിലാണ് ലീഡ്. 1600 ൽ അധികം വോട്ടിന്റെ ലീഡാണ് രാഹുലിനുള്ളത്. എൽഡിഎഫിന് മുൻ തെരഞ്ഞെടുപ്പിനേക്കാൾ അധികം വോട്ടുകൾ നേടാനായിട്ടുണ്ട്.

ചേലക്കരയിൽ എൽഡിഎഫ് വിജയമുറപ്പിച്ചു. എൽഡിഎഫ് സ്ഥാനാർഥി യു ആർ പ്രദീപ് തൊട്ടു പിന്നിലുള്ള യുഡിഎഫ് സ്ഥാനാർഥി രമ്യ ഹരിദാസിനെക്കാൽ ബഹുദൂരം മുന്നിലാണ്. 9,200ൽ അധികം വോട്ടിന്റെ ലീഡാണ് യുആർ പ്രദീപിന്. ഏറ്റവും ഒടുവിൽ പുറത്തുവരുന്ന കണക്കനുസരിച്ച് 32,528 വോട്ടുകൾ യു ആര്‍ പ്രദീപ് നേടി. യു ആർ പ്രദീപിന്റെ ഭൂരിപക്ഷം 15,000 കടക്കുമെന്നാണ് പ്രതീക്ഷിക്കുന്നത്. ചെങ്കോട്ടയാണ് ഈ ചേലക്കര എന്നായിരുന്നു തെരഞ്ഞെടുപ്പ് ഫലം വിലയിരിത്തിക്കൊണ്ടുള്ള ചേലക്കര മുൻ എംഎൽഎയും ആലത്തൂർ എംപിയുമായ കെ രാധാകൃഷ്ണൻ ഫേസ്ബുക്കിൽ കുറിച്ചത്. വയനാട്ടിൽ യുഡിഎഫ് സ്ഥാനാർഥി പ്രിയങ്ക ​ഗാന്ധി 2,10,000 ൽ അധികം വോട്ടുകൾക്ക് മുന്നിലാണ്.