തിരുവനന്തപുരം: മുഖ്യമന്ത്രിയുടെയും മന്ത്രിമാരുടെയും നേതൃത്വത്തിൽ നടക്കുന്ന മേഖലാതല അവലോകനയോഗം തുടങ്ങി. തിരുവനന്തപുരം, കൊല്ലം, പത്തനംതിട്ട ജില്ലകളുടെ അവലോകന യോഗമാണ് ഇന്ന് നടക്കുന്നത്. തിരുവനന്തരപുത്താണ് ആദ്യ യോഗം നടക്കുക. യോഗത്തിൽ മൂന്നു ജില്ലകളിലേയും കളക്ടർമാരും മറ്റ് മുതിർന്ന ഉദ്യോഗസ്ഥരും പങ്കെടുക്കുന്നുണ്ട്.
സർക്കാർ പരിപാടികളുടെ അവലോകനം, പരാതികൾ, പ്രശ്നപരിഹാരത്തിനുള്ള നടപടികൾ എന്നിവയെക്കുറിച്ചുള്ള ചർച്ചകളും സംസ്ഥാനത്തെ ക്രമസമാധാന പ്രശ്നങ്ങളുമായി ബന്ധപ്പെട്ട് ഉന്നത പൊലീസ് ഉദ്യോഗസ്ഥരുമായും ചർച്ചകൾ നടക്കും.
ഭരണനോട്ടങ്ങൾ ജനങ്ങൾക്ക് കൂടുതൽ അനുഭവവേദ്യമാകാനും സമയബന്ധിത പദ്ധതി നിർവഹണം ഉറപ്പാക്കാനും ജില്ലകളിലെ പ്രശ്നങ്ങൾക്ക് പരിഹാരം കാണാനും വികസന പ്രവർത്തനങ്ങൾ ത്വരിതപ്പെടുത്താനുമായാണ് യോഗങ്ങൾ ചോരുന്നത്.
