തിരുവനന്തപുരം: സിപിഐ (എം) സംസ്ഥാന സെക്രട്ടറി എം വി ഗോവിന്ദൻ സി പി ഐ സംസ്ഥാന സെക്രട്ടറി കാനം രാജേന്ദ്രനുമായി കൂടിക്കാഴ്ച നടത്തി. എം വി ​ഗോവിന്ദൻ എം എൻ സ്മാരകത്തിലെത്തിയാണ് കാനവുമായി കൂടിക്കാഴ്ച നടത്തിയത്. സിപിഐ (എം) സെക്രട്ടറി ആയ ശേഷം ആദ്യമായാണ് എം വി ​ഗോവിന്ദൻ എം എൻ സമാരകത്തിൽ സന്ദർശനം നടത്തുന്നത്. ​​സർക്കാരിനും ഗവർണറിനും ഇടയിലുള്ള വിഷയവും സർക്കാരിലും മുന്നണിയിലും ഐക്യം കൂടുതൽ ഉറപ്പിക്കുന്നതു സംബന്ധിച്ച കാര്യങ്ങളും ഇരുവരും ചർച്ചചെയ്തു. സിപിഐ (എം) സംസ്ഥാന സെക്രട്ടറിയേറ്റ് അംഗം ആനാവൂർ നാഗപ്പൻ ,സിപിഐ സംസ്ഥാന അസിസ്റ്റന്റ് സെക്രട്ടറി സത്യൻ മൊകേരി എന്നിവരും കൂടിക്കാഴചക്ക് ഒപ്പമുണ്ടായിരുന്നു.