മൂവാറ്റുപുഴ: തൃക്കളത്തൂർ നവയുഗം ആർട്സ് ആന്റ് സ്പോർട്സ് ക്ലബ്ബും വാഴക്കുളം വൈദ്യൻ ആയുർവ്വേദിക് സെന്ററിന്റെയും നേതൃത്വത്തിൽ നടന്ന സൗജന്യ മെഡിക്കൽ ക്യാമ്പ് എഐവൈഎഫ് സംസ്ഥാന പ്രസിഡന്റ് എൻ അരുൺ ഉദ്ഘാടനം ചെയ്തു . നവയുഗം ക്ലബ്ബ് സെക്രട്ടറി സനു വേണുഗോപാൽ അധ്യ ക്ഷത വഹിച്ചു . സൗജന്യ മരുന്ന് വിതരണോദ്ഘാടം മുൻ എംഎൽഎ എൽദോ എബ്രഹാം നിർവ്വഹിച്ചു .
സിപിഐ ലോക്കൽ സെക്രട്ടറി കെ കെ ശ്രീകാന്ത് , ക്ലബ്ബ് പ്രസിഡന്റ് ശ്രീലേഖ വിജയകുമാർ , പ്രമോദ് വി എൻ , ദിനേശ് കെ എസ് എന്നിവർ നേതൃത്വം നൽകി . ഡോക്ടർമാരായ ഡോ . ആഗി മേരി അഗസ്റ്റിൻ , ഡോ . ആതിര എച്ച് , ഡോ . മുനീർ എ കെ , ഡോ . അജയ്ദത്ത് , വൈദ്യൻ ആയുർവേദിക് സെന്റർ ഡയറക്ടർ എം എ അഗസ്റ്റിൻ എന്നിവർ ക്യാമ്പ് നയിച്ചു .
അസ്ഥിരോഗ നിർണ്ണയം നടത്തുന്ന ബോൺ മിനറൽ ഡെൻസിറ്റി ടെസ്റ്റ് , നേത്ര പരിശോധനയും പാരമ്പര്യ ആയുർവേദ നേത്ര ചികിത്സയും ഉൾപ്പെടെ വിവിധ സേവനങ്ങൾ ലഭ്യമാക്കി
