പാലക്കാട്: വടക്കഞ്ചേരി അപകടത്തിൽ മരിച്ചവരിൽ ദേശീയ ബാസ്‌കറ്റ് ബോൾ താരവും. തൃശൂർ നടത്തറ മൈനർ റോഡ് സ്വദേശി രോഹിത് രാജ് (24) ആണ് അപകടത്തിൽ മരിച്ചത്. കെഎസ്ആർടിസി ബസിലെ യാത്രക്കിടെയായിരുന്നു രോഹിത്തിന്റെ അന്ത്യം.
രോഹിത് കോയമ്പത്തൂരിലേക്ക് പോകുകയായിരുന്നുവെന്നാണ് വിവരം. രോഹിതിന്റെ മൃതദേഹം ആലത്തൂർ ആശുപത്രിയിലാണ്. ആശുപത്രിയിലെത്തിയ ബന്ധുക്കളാണ് രോഹിത്തിന്റെ മൃതദേഹം തിരിച്ചറിഞ്ഞത്.
വടക്കഞ്ചേരിയിൽ ടൂറിസ്റ്റ് ബസും കെഎസ്ആർടിസിയും കൂട്ടിയിടിച്ചുണ്ടായ അപകടത്തിൽ അഞ്ചു വിദ്യാർത്ഥികളും ഒരു അധ്യാപകനും മൂന്ന് കെഎസ്ആർടിസി യാത്രക്കാരുമാണ് മരിച്ചത്. മുളന്തുരുത്തി ബസേലിയസ് വിദ്യാനികേതൻ സ്‌കൂളിൽ നിന്ന് വിനോദയാത്രയ്ക്ക് പോയ വാഹനമാണ് അപകടത്തിൽപ്പെട്ടത്.
