കോട്ടയം: എഐവൈഎഫ് ജില്ലാ കമ്മിറ്റിയോഗം ചേർന്നു. സന്തോഷ് കുമാർ എൻ എസ് അധ്യക്ഷത വഹിച്ചു. ജില്ലാ പ്രസിഡന്റായി കെ രഞ്ജിത്ത് കുമാർ, സെക്രട്ടറിയായി ഷമ്മാസ് ലത്തീഫ് എന്നിവരെ യോഗം തെരഞ്ഞെടുത്തു.
എഐവൈഎഫ് സംസ്ഥാന പ്രസിഡന്റ് എൻ അരുൺ, സെക്രട്ടറി ടി ടി ജിസ്മോൻ, സിപിഐ ജില്ലാ സെക്രട്ടറി അഡ്വ. വി ബി ബിനു, സംസ്ഥാന എക്സിക്യൂട്ടീവംഗം സി കെ ശശിധരൻ, ജില്ലാ അസിസ്റ്റന്റ് സെക്രട്ടറി ജോൺ വി ജോസഫ് തുടങ്ങിയവർ പങ്കെടുത്തു. വിപുലമായ പ്രവർത്തകയോഗം നാളെ വൈകുന്നേരം 3 മണിക്ക് പി കെ വി ഹാളിൽ സംഘടിപ്പിക്കും. ജില്ലാ കമ്മിറ്റി അംഗങ്ങൾ, മണണ്ഡലം ഭാരവാഹികൾ, മണ്ഡലം കമ്മിറ്റി അംഗങ്ങൾ, മേഖല കമ്മിറ്റി ഭാരവാഹികൾ തുടങ്ങിയവർ യോഗത്തിൽ പങ്കെടുക്കും.
