എടതിഞ്ഞി: സിപിഐ പടിയൂർ നോർത്ത് ലോക്കൽ കമ്മിറ്റിയുടെയും എഐവൈഎഫ്-എഐഎസ്എഫ് എടതിരിഞ്ഞി മേഖല കമ്മിറ്റികളുടെ ആഭിമുഖ്യത്തിൽ ആദരവ് 2024 സംഘടിപ്പിച്ചു. തൃശ്ശൂർ ജില്ലാ പഞ്ചായത്ത് പ്രസിഡന്റ് വി എസ് പ്രിൻസ് പരിപാടിയുടെ ഉദ്ഘാടനം നിർവഹിച്ചു. തുടർന്ന് നടന്ന പഠനോപകരണ വിതരണം വെള്ളാങ്കല്ലൂർ ബ്ലോക്ക് പഞ്ചായത്ത് പ്രസിഡന്റ് സുധാ ദിലീപ് നിർവഹിച്ചു. 1500 ലധികം പുസ്തകങ്ങൾ വിദ്യാർത്ഥികൾക്ക് നൽകി. സിപിഐ പടിയൂർ നോർത്ത് ലോക്കൽ സെക്രട്ടറി വി ആർ രമേഷ് അധ്യക്ഷത വഹിച്ചു.
സിപിഐ മണ്ഡലം സെക്രട്ടറി പി മണി, മണ്ഡലം സെക്രട്ടറിയേറ്റ് അംഗം എൻ കെ ഉദയപ്രകാശ്, കെ സി ബിജു, സിപിഐ മണ്ഡലം കമ്മിറ്റി അംഗം കെ വി രാമകൃഷ്ണൻ, എഐവൈഎഫ് മണ്ഡലം പ്രസിഡന്റ് എം പി വിഷ്ണുശങ്കർ എന്നിവർ സംസാരിച്ചു. സിപിഐ മണ്ഡലം കമ്മിറ്റി അംഗം ബാബു ചിങ്ങാരത്ത്, കെ പി കണ്ണൻ, മുരളി മണക്കാട്ടുംപടി, എഐവൈഎഫ് മേഖല പ്രസിഡന്റ് പി എസ് കൃഷ്ണദാസ്, എഐഎസ്എഫ് ലോക്കൽ പ്രസിഡന്റ് വി ഡി യാദവ് എന്നിവർ സന്നിഹിതരായിരുന്നു. എഐവൈഎഫ് എടതിരിഞ്ഞി മേഖല സെക്രട്ടറി വി ആർ അഭിജിത്ത് സ്വാഗതവും എഐഎസ്എഫ് പടിയൂർ ലോക്കൽ സെക്രട്ടറി ജിബിൻ ജോസ് നന്ദിയും പറഞ്ഞു.
