കരുനാഗപ്പള്ളി: ആഗസ്റ്റ് 15, സ്വാതന്ത്ര്യ ദിനത്തിൽ, “സ്വാതന്ത്ര്യ സംരക്ഷണത്തിന് സമരഭരിത യൗവ്വനം” എന്ന മുദ്രാവാക്യം ഉയർത്തി എഐവൈഎഫ് മണ്ഡലം കേന്ദ്രങ്ങളിൽ സംഘടിപ്പിക്കുന്ന സ്വാതന്ത്ര്യ സംരക്ഷണ സംഗമത്തിന്റെ ഭാഗമായുള്ള കരുനാഗപ്പള്ളി മണ്ഡലംതല സംഘാടകസമിതി ഓഫീസിന്റെ ഉദ്ഘാടനം സിപിഐ കൊല്ലം ജില്ലാ എക്‌സിക്യൂട്ടീവ് അംഗം ഐ ഷിഹാബ് നിർവ്വഹിച്ചു.
കരുനാഗപ്പള്ളി ഹൈസ്കൂൾ ജംഗ്ഷനിൽ ബോയ്സ് ഹയർ സെക്കന്ററി സ്കൂളിന് എതിർവശത്തായിട്ടാണ് സംഘാടകസമിതി ഓഫീസ് ഒരുക്കിയിട്ടുള്ളത്. ചെയർമാൻ ജഗത്ജീവൻലാലി അധ്യക്ഷത വഹിച്ച യോഗത്തിൽ എഐവൈഎഫ് മണ്ഡലം സെക്രട്ടറി യു കണ്ണൻ സ്വാഗതം പറഞ്ഞു. സിപിഐ കരുനാഗപ്പള്ളി മണ്ഡലം അസി.സെക്രട്ടറി കെ ശശിധരൻ പിള്ള, എഐവൈഎഫ് മണ്ഡലം പ്രസിഡന്റ് ഷിഹാൻ ബഷി, കരുനാഗപ്പള്ളി നഗരസഭ വികസനകാര്യ സ്റ്റാന്റിങ് കമ്മിറ്റി ചെയർമാൻ പഠിപ്പുര ലത്തീഫ്, എഐഎസ്എഫ് മണ്ഡലം സെക്രട്ടറി അമർജിത്ത് എന്നിവർ സംസാരിച്ചു. ആഗസ്റ്റ് 15 ന് വൈകിട്ട് 05 മണിക്ക് കരുനാഗപ്പള്ളി ടൗൺക്ലബ്ബിൽ നടക്കുന്ന പരിപാടി മൃഗസംരക്ഷണ ക്ഷീര വികസന വകുപ്പ് മന്ത്രി ജെ ചിഞ്ചു റാണി ഉദ്ഘാടനം നിർവ്വഹിക്കും.
