തിരുവനന്തപുരം: എഐഎസ്എഫിന്റെ സംസ്ഥാനതല സ്കൂൾ മെമ്പർഷിപ്പിന്റെ ഉദ്ഘാടനം സംസ്ഥാന സെക്രട്ടറി പി കബീർ നിർവഹിച്ചു. തിരുവനന്തപുരം, കിളിമാനൂർ ഗവ. എച്ച്എസ്എസിൽ നടന്ന ചടങ്ങിലാണ് മെമ്പർഷിപ്പിന്റെ സംസ്ഥാനതല ഉദ്ഘാടനം. എഐഎസ്എഫ് സംസ്ഥാന പ്രസിഡന്റ്‌ ആർ എസ് രാഹുൽ രാജ് അധ്യക്ഷത വഹിച്ച യോഗത്തിൽ സംസ്ഥാന വൈസ് പ്രസിഡന്റ്‌ കണ്ണൻ എസ് ലാൽ അഭിവാദ്യം ചെയ്ത് സംസാരിച്ചു.
എഐഎസ്എഫ് ജില്ലാ പ്രസിഡന്റ്‌ പി എസ് ആന്റസ് നന്ദി പറഞ്ഞു. ജില്ലാ സെക്രട്ടറി ശരൺ ശശാങ്കൻ, ജില്ലാ ജോയിന്റ് സെക്രട്ടറി ബി അനീസ്, സംസ്ഥാന കമ്മിറ്റി അംഗങ്ങളായ എം രാഹുൽ, ലീദ അശോകൻ, എഐഎസ്എഫ് കിളിമാനൂർ മണ്ഡലം സെക്രട്ടറി എം. സിദ്ധീഖ്, പ്രസിഡന്റ്‌ തേജസ്‌, മണ്ഡലം കമ്മിറ്റി അംഗങ്ങൾ തുടങ്ങിയവർ പങ്കെടുത്തു.
