ഗാസ യുദ്ധത്തിനെതിരായ പ്രകടനങ്ങൾ അമേരിക്കയിലെ സർവ്വകലാശാലകളിൽ തുടരുന്നതിടെ, യുഎസിലെ ഹാർവാർഡ് സർവകലാശാലയിലെ ഇസ്രായേൽ വിരുദ്ധ പ്രതിഷേധക്കാർ ഹാർവാർഡ് യാർഡിലെ ജോൺ ഹാർവാർഡ് പ്രതിമയ്ക്ക് മുകളിൽ ഫലസ്തീൻ പതാക ഉയർത്തി.
ന്യൂയോർക്കിലെ കൊളംബിയ യൂണിവേഴ്സിറ്റിയിൽ ഏപ്രിൽ 18 ന് നടന്ന കൂട്ട അറസ്റ്റുകൾക്ക് ശേഷം രാജ്യവ്യാപകമായി അറസ്റ്റ് ചെയ്യപ്പെട്ടവരുടെ എണ്ണം 900 ലേക്ക് അടുക്കുന്നു.
പാലസ്തീൻ അനുകൂല പ്രക്ഷോഭകർ ഐവി ലീഗ് സ്‌കൂൾ കാമ്പസിൽ നടത്തിവരുന്ന പ്രക്ഷോഭം അവസാനിപ്പിക്കാൻ വിസമ്മതിച്ചതിനെ തുടർന്നാണ് ശനിയാഴ്ച ഹാർവാർഡ് സർവകലാശാലയിൽ സംഭവം നടന്നത്.
സംഭവത്തെ സർവകലാശാല നയത്തിൻ്റെ ലംഘനം എന്ന് വിശേഷിപ്പിച്ച ഹാർവാർഡ് വക്താവ്, ഇതിൽ ഉൾപ്പെടുന്ന വ്യക്തികൾ അച്ചടക്ക നടപടിക്ക് വിധേയരാകുമെന്നും കൂട്ടിച്ചേർത്തു.
