പുതുപ്പള്ളി ഉപതിരഞ്ഞെടുപ്പിൽ മികച്ച പോളിങ്. ഇതുവരെ 37.44% പോളിങ് രേഖപ്പെടുത്തി. 55,475 വോട്ട് പോൾ ചെയ്തു. ഇതിൽ 28,884 പുരുഷന്മാരും 26590 സ്ത്രീകളുമാണ് വോട്ട് രേഖപ്പെടുത്തിയത്. മണ്ഡലത്തിലെ മിക്ക ബൂത്തുകളിലും നല്ല തിരക്കാണ് അനുഭവപ്പെടുന്നത്. വൈകിട്ട് ആറുവരെയാണ് വോട്ടിങ് സമയം.
എൽഡിഎഫ് സ്ഥാനാർത്ഥി ജെയ്ക് സി തോമസും യുഡിഎഫ് സ്ഥാനാർത്ഥി ചാണ്ടി ഉമ്മനും വോട്ട് രേഖപ്പെടുത്തി.കണിയാംകുന്ന് സർക്കാർ എൽപി സ്കൂളിലെ 72ാം നമ്പർ ബൂത്തിലാണ് ജെയ്ക് വോട്ട് രേഖപ്പെടുത്തിയത്. ഒരു മണിക്കൂർ ക്യൂവിൽ നിന്നതിന് ശേഷമാണ് ജെയ്ക് വോട്ട് രേഖപ്പെടുത്തിയത്. എൻഡിഎ സ്ഥാനാർത്ഥി ലിജിൻ ലാലിന് മണ്ഡലത്തിൽ വോട്ടില്ല.
