കരുനാഗപ്പള്ളി: പുതിയകാവ് ടി ബി ആശുപത്രിയിലെ രോഗികൾക്കും കൂട്ടിരുപ്പുകാർക്കും ജീവനക്കാർക്കും എഐവൈഎഫ് കരുനാഗപ്പള്ളി നഗരസഭാ കമ്മിറ്റികളുടെ നേതൃത്വത്തിൽ ഉച്ച ഭക്ഷണം വിതരണം ചെയ്തു. വിതരണ ഉദ്ഘാടനം ജില്ലാ ജോ.സെക്രട്ടറി യു കണ്ണൻ നിർവ്വഹിച്ചു. മുൻ എംഎൽഎ യും സിപിഐ നേതാവുമായിരുന്ന ആർ രാമചന്ദ്രന്റെ ഒന്നാം അനുസ്മരണത്തോട് അനുബന്ധിച്ചാണ് പുതിയകാവ് ടി ബി ആശുപത്രിയിൽ ഉച്ച ഭക്ഷണം വിതരണം ചെയ്തത്.
എഐവൈഎഫ് മണ്ഡലം പ്രസിഡന്റ് ഷിഹാൻ ബഷി, എഐഎസ്എഫ് ജില്ലാ ജോ:സെക്രട്ടറി എം ഡി അജ്മൽ, എഐവൈഎഫ് നേതാക്കളായ എം മുകേഷ്, ജിത്തു ആർ ബി, ആരോമൽ പി ജിത്ത് തുടങ്ങിയവർ നേതൃത്വം നൽകി.
