പുന്നപ്ര വയലാർ ധീര രക്തസാക്ഷികളുടെ മണ്ണ്. ഐതിഹാസിക സമരം കൊണ്ട് ചരിത്രമെഴുതിയ പോരാളികളുടെ മണ്ണ്. കുന്തക്കാരൻ പത്രോസിന്റെയും ടി വി തോമസിന്റെയും മണ്ണ്. കാറ്റിനു പോലും വിപ്ലവ ചൂടുള്ള കേരളത്തിന്റെ മോസ്‌കോ, ആലപ്പുഴ.
സേവ് ഇന്ത്യ മാർച്ച് തെക്കൻ മേഖല കാൽനട ജാഥ ആലപ്പുഴയുടെ ചുവന്ന ഭൂമികയിൽ കാലെടുത്തു വെച്ചിരിക്കുന്നു.
കേരളത്തെ കമ്മ്യുണിസ്റ്റ് പ്രസ്ഥാനത്തെ അത്രമേൽ ഹൃദയങ്ങളിൽ ഉറപ്പിച്ചു നിർത്തിയ ചരിത്ര സമരമായിരുന്നു പുന്നപ്ര വയലാർ. ജൻമ്മികളെ വാരി കുന്തം കൊണ്ട് നേരിട്ട് തോൽപ്പിക്കാൻ ഇറങ്ങി പുറപ്പെട്ട ധീര കമ്മ്യുണിസ്റ്റ് പോരാളികളുടെ ഓർമ്മകൾ വലിയ ചുടുകാട്ടിൽ നിന്നും അഗ്നിയായി പടരുന്നു.
മുദ്രാവാക്യങ്ങൾ ഹൃദയങ്ങളിൽ കനൽ ചൂട് പകരുന്നു… ഉറക്കെയുറക്കെ ആലപ്പുഴ ഇടമുറിയാതെ ഈങ്കിലാബ് മുഴക്കുന്നു. പുന്നപ്രയിൽ വയലാറിൽ ഞങ്ങൾക്കായി മരിച്ചവരെ… ധീരരിൽ ധീരരാം വീര സഖാക്കളേ… നിങ്ങൾക്കായിരം അഭിവാദ്യങ്ങൾ….
