എഐവൈഎഫിന്റെ വടക്കൻ മേഖല ജാഥയ്ക്ക് തുടക്കമായി. വൈകിട്ട് കാസർകോട് നടന്ന ചടങ്ങിൽ പി സന്തോഷ്കുമാർ എം പി ഉദ്ഘാടനം നിർവഹിച്ചതോടെ വടക്കൻ മേഖല ജാഥക്ക് തുടക്കമാവുകയായിരുന്നു.
സന്തോഷ്കുമാർ എഐവൈഎഫിന്റെ പതാക ജാഥാ ക്യാപ്റ്റനും എഐവൈഎഫ് സംസ്ഥാന പ്രസിഡന്റുമായ എൻ അരുണിനു കൈമാറി. എഐവൈഎഫ് ദേശീയ ജനറൽ സെക്രട്ടറി ആർ തിരുമലൈ സമ്മേളനത്തിൽ പങ്കെടുത്തു. ചടങ്ങിൽ ജാഥാ വൈസ് ക്യാപ്റ്റൻമാരായ കെ ഷാജഹാൻ, പ്രസാദ് പറേരി, വിനീത വിൻസന്റ് ജാഥാ ഡയറക്ടറായ കെ കെ സമദ് തുടങ്ങിയവർ പങ്കെടുത്തു.
കാസർകോട് ജില്ലയിലെ എഐവൈഎഫിന്റെയും സിപിഐയുടെയും പ്രമുഖരായ നേതാക്കളും അണികളും ഉദ്ഘാടന പരിപാടിയുടെ ഭാഗമായി.
