തിരുവനന്തപുരം: സിപി ഐ സംസ്ഥാന സമ്മേളനത്തോടനുബന്ധിച്ച് സ്വാഗതസംഘം തയ്യാറാക്കിയ ഗാന സമാഹാരങ്ങളുടെ (ഉണർത്തുപാട്ടുകൾ 2022) സിഡി പ്രകാശനം ചെയ്തു. തമ്പാനൂർ ടിവി സ്മാരക ഹാളിൽ നടന്ന ചടങ്ങിൽ സംസ്ഥാന സെക്രട്ടറി കാനം രാജേന്ദ്രൻ സിഡിയുടെ പ്രകാശനം നിർവഹിച്ചത്. പാർട്ടി നേതാക്കളായ കെ ഇ ഇസ്മായിൽ, കെ പ്രകാശ് ബാബു, സത്യൻ മൊകേരി സ്വാഗതസംഘം ചെയർമാൻ ജി ആർ അനിൽ, ജനറൽ കൺവീനർ മാങ്കോട് രാധാകൃഷ്ണൻ തുടങ്ങിയവർ ചടങ്ങിൽ പങ്കെടുത്തു.
വയലാർ ശരത്ചന്ദ്രവർമ്മ, പി കെ ഗോപി, ലീലാകൃഷ്ണൻ, ബിനോയ് വിശ്വം, മുരുകൻ കാട്ടാക്കട ,വി പി ഉണ്ണികൃഷ്ണൻ, രാധാകൃഷ്ണൻ കുന്നുംപുറം എന്നിവരാണ് ഗാനങ്ങൾ രചിച്ചിരിക്കുന്നത്. ഉദയകുമാർ അഞ്ചലിന്റെ സംഗീത സംവിധാനത്തിൽ ജോസ് സാഗർ, ബിനു സരിഗ, ശുഭ രഘുനാഥ്, കെ എസ് പ്രിയ തുടങ്ങിയവരാണ് ഗാനങ്ങൾ പാടിയിരിക്കുന്നത്.
