വൈക്കം: ടിവി പുരം ഗ്രാമപഞ്ചായത്ത് പ്രസിഡന്റായി എഐവൈഎഫ് വൈക്കം മണ്ഡലം വൈസ് പ്രസിഡന്റ് ശ്രീജി ഷാജിയെ തെരഞ്ഞെടുത്തു. ടിവി പുരം11 വാർഡ് നിന്നും പഞ്ചായത്തിലേക്ക് തെരഞ്ഞെടുക്കപ്പെട്ട വ്യക്തിയാണ് ശ്രീജി. സിപിഐ(എം) ന്റെ കവിതാ റെജി തന്റെ ടേൺ പൂർത്തിയാക്കി രാജിവച്ചൊഴിഞ്ഞ സീറ്റിലേക്കാണ് ഇനി ശ്രീജി ഷാജി എത്തുക.
സെപ്റ്റബർ മാസം ശ്രീജയുടെ വിവാഹം നിശ്ചയിച്ചിരിക്കുകയാണ്. ഇനി കതിർമണ്ഡപത്തിൽ ശ്രീജി എത്തുന്നത് ടിവി പുരം പഞ്ചായത്ത് പ്രസിഡന്റ് എന്ന ഉത്തരവാദിത്തത്തോടെയാവും. സിപിഐ യ്ക്ക് അഞ്ച് അംഗങ്ങളാണ് പഞ്ചായത്തിലുള്ളത്. കഴിഞ്ഞ തെരഞ്ഞെടുപ്പിൽ മത്സരിച്ച സിപിഐ സ്ഥാനാർത്ഥികളെ എല്ലാവരെയും വിജയിപ്പിച്ച പഞ്ചായത്താണ് ടിവി പുരം.
