ആലപ്പുഴ: സഖാവ് ഭഗത് സിങ് രക്തസാക്ഷിത്വ ദിനത്തോട് അനുബന്ധിച്ച് എഐവൈഎഫ് ചേരുവാരണം മേഖല കമ്മിറ്റി ഒരുക്കിയ തണ്ണീർപന്തൽ ആയിരക്കണക്കിന് വരുന്ന യാത്രക്കാർക്കും വിദ്യാർത്ഥികൾക്കും ആശ്വാസമേകി. സഖാവ് ഭഗത് സിങ് സ്മരണാർദ്ധം എഐവൈഎഫ് സ്ഥാപിച്ച തണ്ണീർപന്തൽ ഉദ്ഘാടനവും ഭഗത് സിങ് അനുസ്മരണവും എഐവൈഎഫ് ജില്ലാ പ്രസിഡന്റ് സഖാവ് ബൈ. രഞ്ജിത് നിർവ്വഹിച്ചു.
ചടങ്ങിൽ എഐവൈഎഫ് ചേർത്തല സൗത്ത് മണ്ഡലം പ്രസിഡന്റ് വിശാൽ വിജയൻ, സെക്രട്ടറി ബ്രൈറ്റ്. എസ്. പ്രസാദ്, മണ്ഡലം കമ്മിറ്റി അംഗങ്ങളായ വി. ഷൈലേഷ്, ആർ. സച്ചിൻ, എഐവൈഎഫ് മേഖല സെക്രട്ടറി അർജുൻ. എസ്.കുമാർ, പാർട്ടി ലോക്കൽ കമ്മിറ്റി സെക്രട്ടറി പി. തങ്കച്ചൻ, എൽ സി അംഗം ആർ. ജിജോ, എഐഎസ്എഫ് മണ്ഡലം സെക്രട്ടറി ആർ. സുജിത്ത്, വി. പ്രണോയ്, അരവിന്ദ് എന്നിവർ നേതൃത്വം നൽകി.
