ഹരിതഭാവിയിലേക്കുള്ള യാത്ര എന്ന സന്ദേശം ഉയർത്തിക്കൊണ്ട് ജൂൺ 5 മുതൽ 12 വരെ എഐവൈഎഫ് സംഘടിപ്പിക്കുന്ന പരിസ്ഥിതി വാരാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് വി എസ് പ്രിൻസ് നിർവഹിച്ചു. ഗുരുവായൂർ മണ്ഡലത്തിലെ ഏങ്ങണ്ടിയൂർ ചേറ്റുവ അഴിമുഖത്ത് കണ്ടൽ വനങ്ങൾ നട്ട് പിടിച്ചാണ് ഉദ്ഘാടനം സംഘടിപ്പിച്ചത്.
എഐവൈഎഫ് ജില്ലാ സെക്രട്ടറി പ്രസാദ് പറേരി, ജില്ലാ പ്രസിഡന്റ് ബിനോയ് ഷബിർ, എഐഎസ്എഫ് ജില്ലാ സെക്രട്ടറി കെ എ അഖിലേഷ്, ജില്ലാ എക്സിക്യൂട്ടിവ് അംഗം സേവിയർ പുലിക്കോട്ടിൽ, ഏങ്ങണ്ടിയൂർ ഗ്രാമ പഞ്ചായത്ത് പ്രസിഡന്റ് ഗീതു കണ്ണൻ എന്നിവർ അഭിവാദ്യം ചെയ്തു സംസാരിച്ചു .
എഐവൈഎഫ് മണ്ഡലം ജോയിന്റ് സെക്രട്ടറി വിവേക് അധ്യക്ഷത വഹിച്ച ചടങ്ങിൽ, മണ്ഡലം സെക്രടറി ബിനീഷ് ചില്ലിക്കൻ സ്വാഗതവും, മോനിഷ് മോഹൻ നന്ദി രേഖപ്പെടുത്തി. മണ്ഡലം കമ്മിറ്റി അംഗങ്ങൾ കമ്മറ്റി അംഗങ്ങൾ ബിനീഷ്, സുബിൻ ദാസ്, മനീഷ് എന്നിവർ പരിപാടിക്ക് നേതൃത്വം നൽകി.
