ബെനോനി: അണ്ടർ-19 ലോകകപ്പിന്റെ കിരീടപോരാട്ടത്തിൽ നിലവിലെ ചാമ്പ്യൻമാരായ ഇന്ത്യക്ക് എതിരാളി ഓസീസ്. ആവേശം അവസാന ഓവർവരെ നീണ്ട രണ്ടാം സെമിഫൈനലിൽ പാകിസ്താനെ ഒരുവിക്കറ്റിന് തോൽപ്പിച്ചാണ് ഓസ്‌ട്രേലിയ ഫൈനലിൽ കടന്നത്. സ്‌കോർ: പാകിസ്താൻ 48.5 ഓവറിൽ 179ന് പുറത്ത്. ഓസ്‌ട്രേലിയ 49.1 ഓവറിൽ ഒമ്പതിന് 181. 24 റൺസിന് ആറുവിക്കറ്റ് വീഴ്ത്തിയ ഓസ്‌ട്രേലിയയുടെ ടോം സ്ട്രാക്കറാണ് കളിയിലെ താരം.

ഇക്കഴിഞ്ഞ ലോക ടെസ്റ്റ് ചാമ്പ്യൻഷിപ്പിലും ഏകദിന ലോകകപ്പിലും ഇന്ത്യയും ഓസ്‌ട്രേലിയയുമാണ് ഫൈനലിൽ ഏറ്റുമുട്ടിയത്. ഞായറാഴ്ച ഉച്ചയ്ക്ക് 1.30 മുതലാണ് ഫൈനൽ പോരാട്ടം.