കൊച്ചി: രാഹുൽ ഗാന്ധിയുടെ ഭാരത് ജോഡോ യാത്രക്ക് അഭിവാദ്യമേകി കോൺഗ്രസ് നേതൃത്വം തയ്യാറാക്കിയ പ്രചരണ ബോർഡിൽ വി ഡി സവർക്കറും. ചെങ്ങമനാടിനടുത്തുള്ള അത്താണിയിൽ കോൺഗ്രസ്സ് പ്രവർത്തകർ വെച്ച ബോർഡിലാണ് ഗാന്ധിഘാതകനായ സവർക്കറുമുള്ളത്.
പ്രദേശത്തെ മുതിർന്ന കോൺഗ്രസ്സ് നേതാക്കളുടെ നേതൃത്വത്തിലാണ് സവർക്കറുടെ ചിത്രമടങ്ങിയ ബോർഡ് സ്ഥാപിച്ചത്. സംഭവം വിവാദമായതോടെ കോൺഗ്രസ് പ്രവർത്തകർ സവക്കറിന് പകരം ഗാന്ധി ചിത്രം ബോർഡിൽ സ്ഥാപിച്ചു. ഇതിന്റെ വീഡിയോ സമൂഹമാധ്യമങ്ങളിൽ ഇതിനോടകം വൈറലായി.
