എഐവൈഎഫ് വയനാട് ജില്ലാതല മെമ്പർഷിപ്പ് വിതരണ ഉദ്ഘാടനം എഐഎസ്എഫ് സംസ്ഥാന പ്രസിഡന്റ് ആർ എസ് രാഹുൽ രാജ് നിർവഹിച്ചു. മിനങ്ങാടി ലോക്കൽ കമ്മിറ്റി ഓഫീസിൽ വച്ച് നടന്ന ചടങ്ങിൽ അമ്പലവയലിൽ നിന്നുള്ള റയാനോൾഡിനു ജില്ലയിലെ ആദ്യ മെമ്പർഷിപ്പ് നൽകി കൊണ്ട് ആർ എസ് രാഹുൽ രാജ് ഉദ്ഘാടനം നിർവഹിക്കുകയായിരുന്നു.
എഐവൈഎഫ് ജില്ലാ പ്രസിഡന്റ് സുമേഷ് എം സിയുടെ അധ്യക്ഷതയിൽ ചേർന്ന യോഗത്തിൽ ജില്ലാ സെക്രട്ടറി നിഖിൽ പത്മാനാഭൻ സ്വാഗതം പറഞ്ഞു. ജില്ലാ എക്സിക്യൂട്ടിവ് അംഗങ്ങളായ വിൻസെന്റ് പുത്തേട്ട്, റഹിം, ശ്രീകല, സിപിഐ ജില്ലാ എക്സിക്യൂട്ടിവ് അംഗം സുധീഷ് സി എം, സിപിഐ ലോക്കൽ കമ്മിറ്റി സെക്രട്ടറി എൻ ഫാരിസ് തുടങ്ങിയവർ അഭിവാദ്യം അർപ്പിച്ച് സംസാരിച്ചു എഐവൈഎഫ് ജില്ലാ കമ്മിറ്റി അംഗങ്ങളായ ജസ്മൽ, അമൽ തുടങ്ങി നിരവധി യുവാക്കൾ പരിപാടിയിൽ പങ്കെടുത്തു.
