മുണ്ടക്കയം: വിവാഹ വേദിയിൽ ലഭിച്ച സമ്മാനമായ മോതിരം എംഎൻ സ്മാരക നവീകരണ ഫണ്ടിലേക്ക് സംഭാവന നൽകി എഐവൈഎഫ് മുണ്ടക്കയം മണ്ഡലം കമ്മറ്റി അംഗം അഡ്വ.സേതുലക്ഷ്‌മിയും വരൻ അഖിൽ എം എസും. ഇവരുടെയും വിവഹം മുണ്ടക്കയം വൈെംസിഎ ഓഡിറ്റോറിയത്തിൽ വെച്ച് നടന്നു.
വധുവിന്റെ സഹോദരനും കോട്ടയം ജില്ലാ പഞ്ചായത്ത്‌ വൈസ് പ്രസിഡന്റും, സിപിഐ സംസ്ഥാന കൗൺസിൽ അംഗവുമായ അഡ്വ.ശുഭേഷ് സുധാകരന്റെ സാന്നിധ്യത്തിൽ സിപിഐ കോട്ടയം ജില്ലാ അസിസ്റ്റന്റ് സെക്രട്ടറി മോഹൻ ചെന്നൻങ്കുളം സിപിഐ മുണ്ടക്കയം അസിസ്റ്റന്റ് സെക്രട്ടറി വി ജെ കുര്യയാക്കോസ് എന്നിവർ ചേർന്ന് ഏറ്റുവാങ്ങി
